تعرف علي تحديثات شركة We القادمة لتجنب قطع الخدمة واسعار الباقات
البوست انا مجرد اخدته وعدلت عليه بالمعلومات الصح طبعآ كل الشكر للي بدأ الفكره دي عشان تفيد الناس لو أنت مشترك انترنت ADSL مع شركة WE فالبوست ده يهمك جدا عشان ما تقابلش اي مشكله بعد التحديثات الجديده للخدمه ولتجنب قطع الخدمه... اسف للاطاله وبس ده كله لشرح التحديث مبسط وكل الخدمات والاسعار
بدايه كل الاسعار اللي المذكوره شامله الضريبه وليست شامله رسوم فوري او امان او مصاري الخ...للتاكيد فقط وهاكد تاني برضه
التحديثات الجديدة من الشركة وكيفية التصرف معاها :
- الاشتراك بيتم قطعه بمجرد انتهاء مدة الاشتراك بساعه واحده ، يعني لو انت مشترك في 1 يناير نهاية الاشتراك يوم 31 يناير الساعه 12 بعد منتصف الليل
- تم إلغاء فترة السماح اللي كانت عبارة عن 48 ساعة حتى السداد . والجديد بقى خدمه سلفني عباره انك بتستلف 5GB ب 10 جنيه لمده 48ساعه وتسددهم 11.40 عند تجديد الاشتراك بالإضافة لقيمة الاشتراك الاصلي....
- في الأول الخدمة لما بتفصل بسبب الفاتورة لمبة ADSL و لمبة Internet كانوا بيفصلوا بمجرد انتهاء فترة الاشتراك لكن دلوقتي اختلف الموضوع ده بعد التحديث بتستمر كل لمبات الADSL و الinternet بدون انقطاع وهتفتكر إن مفيش مشكلة في النت غير لما تتصل بخدمة العملاء ويبلغوك انك كده عليك فاتورة ولازم تسددها علشان تشغل الخدمة او تستخدم خدمه سلفني
- بالنسبة لسداد الاشتراك أصبح كشحن الموبايل بتحويل الرصيد...
يعني لو انت على اشتراك سوبر 140 جيجا ، اللي 136.80 ج شهريا
ف علشان تشغل الباقه حول لرقمك الارضي عن طريق فوري او الفروع 136.80 جنيه شاملين الضريبه وبالفعل هتتجدد الباقة تلقائيا بعد التحويل
اسعار باقات وي سبيس الجديده شامله الضريبه
في طبعا سرعات اعلي اللي هي
ميجا اب تو 70
الترا اب تو 100
للاسف مفيش مكان نذكر اسعارها هتشتم 🤷🏻♂️ خلينا ف الاسعار الحنينه
We Space Up To 30 (140GB) 136.80 EGP
We Space Up To 30 (250GB) 239.40 EGP
We Space Up To 30 (600GB) 570 EPG
ملحوظه مبقاش يظهر فواتير ف لو هتشحن عن طريق خدمات فوري او مصاري او امان الخ...اطلب من الراجل يحول لحساب خطك الارضي سعر باقتك شامله الضريبه
*** معني كده لازم تكون عارف انتا مشترك علي باقه ايه وسعرها كام بالضريبه ها
واتاكد ان في ف حسابك سعر باقتك كامل السعر بيوصل الشركه بعد خصم الضريبه عشان لو قرش ناقص مش هتشتغل معاك الباقه..
ملحوظه لو مشتغلتش معاك بعد الشحن او حسيت ببطئ بعد الشحن كلم خدمه العملاء هيعملك تنشيط للخدمه هتشتغل معاك طالما الدفع مفيش فيه مشاكل وسليم
-دلوقتي تقدر تجدد باقتك قبل ميعادها يعني مثلآ
انتا ميعاد باقتك تنتهي اخر الشهر بس الكوتا اللي هي الجيجات خلصت قبلها ب ٥ ايام مثلا تقدر تحول سعر باقتك لحسابك وتعمل تجديد مبكر وتبدا باقه جديده من الميعاد اللي تم فيه الشحن
او تشحن باقه اضافيه
اسعار الباقات الاضافيه (Extra Qouta) شامله الضريبه
(20 GB) 34.20 EGP
(50GB) 68.40 EGP
(100GB) 114 EGP
- و كمان تقدر تشحن ب كروت شحن وي عن طريق الابلكيشن..
+ أنت ممكن كمان تشحن ب 500ج رصيد في حسابك مثلا هيريحك جدا لو الباقه خلصت تقدر تجدد الباقة
أو تشحن باقة اضافية من غير تروح ل فوري أو فروع وي.
20GB / 50 GB / 100 GB
سعر الرسوم الشهريه للروتر الجديد روتر السرعات الفائقه شامل الضريبه (VDSL) 5.70 EGP
ملحوظه مهمه في ناس بتقول عايز اغير ميعاد فاتورتي عشان دفعت بعد ميعادي باكتر من يوم دلوقتي بعد التحديث الدفع اللي بتدفعه بيكون ساري من معاده يعني بيبدا الشهر الجديد من ميعاد الدفع ف ميعاد الدفع كده بيتغير اوتوماتيك بناء علي الوقت اللي دفعت فيه
مثال ميعادي يوم 1 في الشهر ودفعت يوم 10 بيتسجل اوتوماتيك ان باقتي بدات يوم 10
- بخصوص تطبيق We Internet على الموبايل تم ايقافه حاليا...
وتم استبداله ب We Mobile بيستخدم حاليا للانترنت والخط الارضي و خطوط الموبايل وتم تطويره و بيتم تحديثه برضه كمان عشان يكون متاح فيه كل الخدمات وهيكون هو الاساسي باذن الله لكل الخدمات وبتقدر تعرف منه اليوزر نيم والباسورد بتوع الخدمه كمان تقدر تتابع من عليه استهلاكك ورصيد ومواعيدك وتعمل شكوي او طلب الخ.... وكل اللي انتا محتاجه
وعشان تشغله بتكتب رقمك الارضي بكود المحافظه وبتعمل رقم سري وبيجيلك كود في رساله علي الرقم المسجل في التعاقد علي خدمه الانترنت لو الرقم مجالكش كلم خدمه عملاء المبيعات والفواتير هيعمله ضبط لحسابك وهياكد علي الرقم الموجود معاك هو اللي ف العقد ولا لا هتجيلك رساله التاكيد بالكود وانتا معاهم...
اما بالنسبه ل We Pay
هي محفظه الكترونيه نقدر نستخدمها ونشحنها عن طريق حسابك البنكي او الفيزا بطاقتك الائتمانيه ولو حبيت تسال عن اي معلومه خاصه بيه تقدر تكلم 565 من اي رقم 015
بالنسبه لبرنامج نقاط فور يو او نقاطي (4U) متوقف حاليا عشان التحديثات اللي بتم عليه وعلي التطبيقات والسيستم وهيشتغل ف اقرب وقت والنقاط القديمه المفروض بتفضل موجوده عادي متقلقش
نصيحه بقا لو استهلاكك في مشكله تابعه عن طريق التطبيق وراقب استهلاك اليوتيوب عشان السرعات العاليه طبعآ ومتخليش جوده اليوتيوب يشتغل تلقائي عشان هيشتغل علي اعلي جوده وتابع باسورد الواي فاي بتاعك عشان لو حد داخل وبيسرق منك طبعآ
واخيرآ وليس اخرآ تم تحويل كل الباقات الي باقات We الجديده
وده بناء علي تعليمات الجهاز القومي لتنظيم الاتصالات (NTRA)
رقمهم (155)
برفع السرعه ورفع سعه التحميل (الجيجات) وتحسين الخدمه للمستهلكين وباسعار افضل..
ليست هناك تعليقات:
إرسال تعليق